Gurindam Gurauan
Ungak-ungak apung
apung sanali-nali
bapadah masih bujang
padahal sudah babini
Ungak-ungak apung
apung sanali-nali
amun handak jadi pandai
rajin-rajin mangaji
Ungak-ungak apung
apung sanali-nali
jangan banyak makan sipung
ujar urang pamali
Ungak-ungak apung
apung sanali-nali
handak makan jagung
tapi kada bagigi
Ungak-ungak apung
apung sanali-nali
kaina ako manyambung
cukup sampai disini
hassanmarshad
PBM Tamerloh
No comments:
Post a Comment