Inya Cikgu Kita
Tatarutut bunyi motor lalu
Ada nang basunkup takutan
Ada nang takurihing di higa jalan
Bapa2 ma'angkat tangan
Inya Cikgu kita
Maradap di muhara pagar
Ada nang mangalitir lalu
Ada nang manyalami suka
Mangilar ha maingatakan panjang rambut
Maingatakan baju masuk kadalam
Handak bungas, handak bisa sunyaan
Inya Cikgu kita
Malajari mangira nombor2, mambaca A B C
Malajari mangaji, malajari napa haja
Malajari bahintajul, bukah, basisimpun
Inya Cikgu kita
Manuduh nang baik2
Ma'ajaki ilah dangsanak
Manyayangi ilah Bapa, ilah Umak
Inya Cikgu kita
Wahini bisa2 kakanakan
Harat2 barataan, ganal2 gawea'an
Kada payah kita manahuri hutang ka anu inya
Kada mainta jua inya dibalas
Barapa urang nang ingat banar
Inya Cikgu kita
Kada tabalas budi jasa Mu
Mudahan bahagia hidup mu sunyaan Cikgu Ku
Mairah98
Posts
