Bila bulan mangambang

Bila bulan mangambang

Nenek Congkok ranai garutuk
Kuning inda silau tapi kada
Bungasnya ditiring
Burung papahat kalatukan batukang
Kukulai maingui ingui maantar bunyi
Tatagok kalunyuran tinggi harat
Awan satabul satabul bajalan lamah liku
Aku disini mangilar marawan tinggi nintu
Bungasnya ditiring
Inda kadap humbayang nyiur
Tatarauan hirang balam di bawah rampun rambai
Bagantungan hulat bulu, banyak bajurai jurai
Nang guring tatap guring
Nang janak kada tailanan
Tiringi kilar puas2 kuasa Allah
Hidup malam bahinak .. baudap purnama mu
Situ saini zikir bairit irit halwa talinga
Aku jadi rindu
Bungasnya ditiring
Ditasik nintu baalun alun muha ikam
Bagarigit bagirarap taampar bajalur jalur
Bungasnya ditiring
Sasain kurup sasain jauh mimpi
Babalik dua talo kali
Sasain dingin baku ari
Ambun subuh malapai muha muha
Sasain tatarauan hawa siang
Ampih bagirarap purnama Mu
Bulan imbah hudah mangambang

Mairah98
barelaan kulaan ku..... tungui ha isuk pulang bulan mangambang

Juruk tuha

Juruk tuha

Di buncu juruk nintu

Atang pirut bahabu muring

Hampauran puntung handap kada basurung

Lawas kada kita mananggar banyu

Umak ampih manjarang hubi

Manyambal bilis padas

Mamadar nasi dingin samalam

Barantuk panci panci basusun

Balungkup rinjing , bahiring piring

Disasala tangkon tangkon

Dibuncu juruk nintu

Tasandar linggis tuha ka dinding

Sumpik rangat hudah muhara gadur

Basisip parang puting batagar ditawing

Kalawasan kada bakilir

Di buncu juruk nintu

Jajarujuk tikus laki, cacak pagat ikung

Wani sunyi siim, hapak bau baju talasan

Basusun talo uting pisau sundak turihan

Kada baharong batagar kuripingan

Di buncu juruk nintu

Aku taganang ramik kita bahari

Mamancuk takijim baliuran hampalam anum

Mahantus li'ir mamak hapok bigi tiwadak

Mangipong hubi layap karukupan dimamah

Karangkangan tatawaan mangutil jagong

Di buncu juruk nintu

Arini aku takurihing susurangan

Kaingatan takacak katak puru

Kajadian macal bagagau bakadap malam

Kukuciak takajut takutan kana igut

Dibuncu juruk nintu

Aku satumat bararanai

mairah98/msj 0304102300h

Sasain parak

Sasain parak

Kamana haja kita tulakan
Kamana haja kita balalah
Kamana haja kita baampah
Kita kada makin jauh
Sasain baparak
Kadap hirang titiringan
Masih kada sama kikilaran
Kadap hirang hahawasan si picak
Makin jauh titiringan
Lagi jauh kikilaran
Sasain parak haja jajapaian
Nang tuli kaitu jua
Sasain parak manalinga
Sasain jauh pandangaran
Sahinak sahinak baungap
Salangkah salangkah bajajak
Kada inya makin jauh ikam tulak
Kada kita bakayakat naik haja
Jangan kalumpanan hampai parangannya
Kita masih turun kaina
Sasain parak
Mangira umur makin banyak
Kada inya kita makin lawas hidup
Sabujurnya kita makin tiwas
Sabujurnya kta sasain baparak
Awan mati


Mairah98/msj 0103101500h

Kangkong

Kangkong

Sanang haja hidup Mu
Malayap, diputiki balucuk marapus imbah hujan
Dilalap dasanga andaki balacan
Sadap dikipong, lauk hagan nasi
Dijarang hagan lalapan pacal

Kangkong
Kada tahu kayapa asal ngaranmu
Sanang haja hidup Mu
Hagan kita, hagan liur, hagan parot kalaparan
Diputik, balucuk di putik pulang

Kangkong
Katuju haja kita hagan hantusan
Ampih di putiki urang, diuntal burung, digugut binatang
Amun ngaran Mu
Kongkang


mairah98/msj 0403100800h

sajak bapacaran

Ayahku..

Ayahku...

Hari pertama ku ke sekulah

awal pagi aku digerak

untuk mandi, ayah menghambin ku dari ambin ka parit

ayah me atar ku ke sekulah dengan moto AAJ nya

Aku di balakang mengikupnya kuat-kuat

jar ayah ku " kuat-kuat bepingkut, kina tekipai.."

Di luar tingkap ia mundar-mandir

sesekali meniring ku yang di dalam bilik darjah

Aku menunjuk ka kawanan..itulah ayahku...

yang hensem itu..matanya redup...hidungnya mancung...

Aku terkurihing..dalam hatiku dengan bangganya handek madahkan ka ayah

...anak ayah ni kade nangis..walaupun banyak kakanakkan lain betangisan...

Patang-patang aku main di halaman rumah

beladangan..bukahan...

bila terjerungkup, berdarah lantuhut..

aku nangis mendapatkan ayah..

Ayah meniring ka luka ku

Jar nya " oh..kade apa-apa..kaluar darah haja..mun kaluar nasi hanyar bangat..."

Ia menyukat..jangkal demi jangkal..

dari luka ku sampai ka parot ku...

"3 jangkal..jauh dari parot...kade bawa ka mati..."

kain sukinnya di kuyak untuk mambalut luka ku..

mun aku gering, ayah yambat naran haja kah gering..

berapa kapoi gering ku...

Dijapainya awak ku..

"bah..segantang gering to..hangatnya..luyot tangan ayahmu.."

Iya gin beperagah menakunne ku

"handek makan apa?"

walaupun sabanarnya iya dah taho jawapan ku...

ayah....kau lah kekasih ku...

-nia

p/s : Al-Fatihah buat AyahKu

Banyu Mata Umak

• Banyu Mata Umak
• Umak sudah tuha
• Kaaraian babanyuan mata Umak
• Ari pamugaan aku kasakolah mananggis Umak
• Kuhabari dapat No 1 takurihing balinang banyu mata Umak
• Ku salami imbah aku nikah bakaca kaca mata Umak
• Di habari Umak dapat cucu Alhamdulillah ujer.. mananggis Umak
• Umak sudah tuha
• Sadih, marista babanyuanai jua mata Umak
• Aku garing, ading garing marista Umak babanyuan mata maniring
• Sarik, bamamai managur barubuian banyu mata Umak
• Ampun ampun Umak
• Bapa maninggal mangalir likat banyu mata Umak
• Tahu ai kami, karindangan Umak karunungan banyu di mata
• Karanaian... di ilangi maragap manitik banyu mata Umak
• Napa habar ikam ujernya
• Kada tahan aku mananggis ha jua
• Diilangi amun masih lagi baUmak
• Kada tahan aku manganang nasib Umak
• Tahambur haja banyu mata
• Umak ku sayang sudah tuha
• mairah98 0501100800h

Budi Diganang

• Budi Diganang
•  
• Ditungkaran tuha bahari kita batamuan
• Disampan ganal nang itu jua kita bapandiran
• Di itihi Tua ampun sampan latat kada babaju
• Diiringi Makacil Siah dihiga kiri manyungil timbakau
• Disanding Tukacil dihiga kanan mampual baruko
• Kakanakan kuriakan  banyak haja
• Ramik pandiran kita kulaan
• Pandiran urang2 kampong bahari haja
• Bakisah hayam handak dijual
• Handak baaruhan jar Antin Aloh
• Bakisah hintalo dicuntan sakataraan
• Gigir barucau riuh kamalingan
• Batamparan siUcir awan si Andut disimpang tiga
• Tuhuk batata si Imam
• Bakisah amun handak hubi dicabut haja
• Kada bajual, kira halal haja kulaan
• Kira babarian haja hagan bubuhan
• Ramik pandiran kita kulaan
• Si Utoh sibuk handak manjuung ading kasungai
• Si Tua manyariki.... bararanai jar disampan
• Sampan panuh balapan urang, sabigi basikar
• Ma ampat tandan pisang amas, sajunjung kaladi cina
• Harat haja sampan si Tua ni
• Babudi, bajasa ka urang kampong
• Lima sen diintai sakapala
• Bapala haja sapambarian urang, Tua kada kisah
• Siapa kada pinandu, wahini kadada lagi
• SiTua pandayung sampan kampong ku bahari
•  
• mairah98                        2230300409h

SAJAK: Kampong bahari

Kampong bahari Tanah ditugal tugal jagung kita tanam tanah habu satabul satabul di buncu maranti sayur marapat tumbuh imbah samalam hujan labat malimpah pang sumur tuha Ayah kalacungan iwak papuyu layau ditangkapi......ditangkapi ujar Umak dipindang sadap campur susupan Utoh kakawanan kacaburan diparit hadapan ramik banar kakanakan putiki pucuk paku ada haja mahabang disayur randang tangah hari matahari tinggi ampihan kakanakan biru biru bibir galitiran kadinginan Angah hangkoi haja manyaru....kamasigitan Azan imbah sudah disurau Diyang lawas habis batatapas mancarunug banyu sungai kita bungas parunanya kampung ku wahini kadada lagi kadada lagi kabun hilungan kadada lagi sumur yang diganang kada tahaga pucuk paku iwak papuyu mana kakanakan....tajun dari jambatan kadap hirang banyu sungai sunyi ranai kadada kariangan kada rami lagi kah urang wahini kulaan.....samuaannya kada sama lagi wayah ini awan bahari mairah98 1318040209h.....